Kampioni dhe statistikat

Chelsea fitoi titullin e pestë të kampionit të Anglisë prej se ajo quhet Premier Ligë. Dominimi i ekipit të Antonio Contes në stinorin e parë të tij si trajner në Angli, nisi prej 1 tetorit 2016, kur ekipi u këndell prej dy humbjeve në derbi dhe një barazimi të papritur (humbje nga Liverpooli dhe Arsenal, barazim me Swansea).

E prej tetorit Chelsea erdhi në vete, ku vazhdoi rrugëtimin qartë drejt titullit dhe nuk gaboi askund gjatë rrugëtimit prej se kapi pozitën e liderit.

TABELA PËRFUNDIMTARE E PREMIER LEAGUE

Conte mund të stoliset edhe me një trofe tjetër. Më 27 maj luan në finalen e Kupës ndaj Arsenalit. 

E Premier Liga për individë ka kaluar kështu. Sulmuesi anglez i Tottenhamit, Harry Kane u bë golashënuesi më i mirë i elitës, me 29 gola të shënuara.

Sa i përket asistimeve, aty ka dominuar belgu i Manchester Cityt, Kevin de Bruyne, që ka dhënë 18 pasime goli për bashkëlojtarët e tij, gjatë rrugëtimit të tyre për në pozitën e tretë në fund të stinorit dhe sigurimin e një vendi në Ligë të Kampionëve.

Dorëza e artë e stinorit u bë një belg tjetër. Portieri i Chelseat, Thibaut Courtois është njeriu që ka arritur më së shumti të mbajë këtë stinor portën e paprekur dhe me 16 ndeshje pa pranuar gol, ka qenë faktor në shpalljen e ekipit të tij kampion.