GAME 4: CLIPPERS - WARRIORS
FOTO/ nba
Kampioni luajti rolin kryesor në “Hollywood”
22 April, 2019 @0:21
Kampioni aktual i NBA-së, Golden State Warriors, gabimin që e bëri në shtëpi, nuk e përsëriti në Los Angeles.
Warriorsat e mposhtën Clippersin me rezultat 105-113 në ndeshjen e katërt të serisë dhe kaluan 3-1 në epërsi.
Kevin Durant dhe Klay Thompson, ishin më meritorët në fitoren e skuadrës së trajnerit Steve Kerr. Durant luajti me 33 pikë, derisa Thompon me 32 pikë.
Te Clippers u dallua Shai Gilgeous-Alexander me 25 pikë, derisa ndikoi në humbje përqindja e ulët e shënimeve të skuadrës nga Los Angelesi.
Warriorsat tani janë 3-1 në epërsi në seri dhe janë një fitore larg gjysmëfinaleve të Konferencës Perëndimore. Ndeshja e pestë e serisë do të luhet në palestrën e Golden Statet më 25 prill në ora 04:30.
