GAME 3: JAZZ - ROCKETS
FOTO/ nba
Fluturon fluturon Houston Rockets
21 April, 2019 @11:19
Houston Rockets edhe në ndeshjen e tretë të serisë kundër Utah Jazz, e mposhti kundërshtarin. Tani Rockets janë afër një fitore gjysmëfinaleve të Konferencës Perëndimore.
James Harden ndeshjen e nisi në mënyrë katastrofale, ku në 15 tentimet e tij nuk shënoi asnjë pikë, që është ecuria më e keqe e gjuajtjeve të pasakta nga një lojtar në histori të Play Off-it, por super ylli më vonë u këndell dhe ia solli fitoren skuarës me rezultat 101-104.
Harden, krahas shutimit të dobët në fillim, u bë koshashënuesi më i mirë me 22 pikë. Ai gjithashtu luajti me 10 asistime e 6 kërcime.
Te Utah më i dalluari ishte Donovan Mitchell me 34 pikë, lojtari ky që e kishte rastin për ta barazuar ndeshjen në 10 sekondat e fundit, por nuk arriti të shënojë.
Rezultati në seri është 3-0 në favor të Houstonit. Ndeshja e katërt e serisë do të luhet më 23 prill në ora 04:30.
