Kampioni, ia nis si kampion

Kampioni i stinorit të kaluar, Miami, ia nisi me fitore stinorit të ri, duke i mposhtur demat e Chicagos, me rezultat 107-95.

Në fillim të ndeshjes, së pari u bë ceremonia e shpërndarjes së unazave që si duket e motivuan kampionin, ngase që nga fillimi djelmoshat e trajnerit Eric Spoelstra, dominuan në parket.

MVP i vitit të kaluar, Lebron James, ishte më i dalluar në ndeshje me 17 pikë, 8 asistime e 6 kërcime. Por nuk ishte i vetmi që luajti mirë, tek Miami, gjashtë lojtarë të tjerë luajtën me pikë dyshifrore, fakt ky që luajti rol të rëndësishëm në fitoren e parë të stinorit.

Në anën tjetër, 31 pikë të Carlos Boozerit nuk mjaftuan për Chicago Bullsin, derisa i rikthyeri Derrick Rose, në ndeshjen e parë të tij pas lëndimit një vjeçar luajti me 12 pikë 4 asistime.

Video