Lideri niset për Izrael

Djelmoshat e udhëhequr nga trajneri turk, Ceyhun Cabadak, janë nisur për në Stamboll të Turqisë, prej nga do të udhëtojnë për në Izrael për t’u ndeshur me kampionin aktual të BIBL-së, Galil Gilboa. 

Sigal Prishtina ka arritur të shënojë dy fitore në dy ndeshjet e para në Balkan League, derisa në Superligë të Kosovës është skuadra e vetme e pamposhtur. 

Në anën tjetër Galil Gilboa ka marrë goditje të rëndë këtë fundjavë në ligën izraelit ku është mposhtur në shtëpi nga Hapoel Holon 60-80. Kjo ka qenë humbja e dytë e Galil Gilboas në ligën izraelite si vendas. 

Në Balkan League, deri më tani izraelitët kanë vetëm një ndeshje të zhvilluar, pasi që kanë pushuar në xhiron e parë. Izraelitët kanë mposhtur Teodon e Tivatit në xhiron e dytë të Balkan League. 

Ndeshja ndërmjet Galil Gilboa dhe Sigal Prishtinës luhet të mërkurën më 30 tetor me fillim nga ora 19:00.