SAN ANTONIO
Kampioni Spurs, nis me fitore
29 October, 2014 @12:42
Netët pa gjumë për dashamirët e basketbollit, ia nisën në mënyrën më të mirë. NBA startoi me derbin e Teksasit, ndërmjet kampionit aktual San Antonio Spurs dhe Dallas Mavericks.
Ndeshja ishte e barabartë që nga fillimi dhe deri në fund nuk dihej se kush do të fitonte. Por në fund një hap më përpara ishin djelmoshat e trajnerit Gregg Popovich, ku me lojën e tyre fenomenale, arritën ta shënojnë fitoren e parë para publikut të tyre me rezultat të ngushtë 101-100.
Koshashënuesi më i mirë tek mamuzat, ishte françezi Tony Parker me 23 pikë, derisa u ndihmua edhe nga Manu Ginobili me 20 sosh. Ndërsa në anën tjetër, 26 pikët e Monta Ellisit, nuk mjaftuan për fitoren e Dallasit.
San Antonio ndeshjen e radhës do të luaj me Phoenix Sunsin, ndërsa Dallasi me Utah Jazzin.
Video
San Antonnio Spurs
