Kjo Prishtinë nuk ndalet

Kampionja aktuale e Kosovës, Sigal Prishtina, është revanshuar në mënyrën më të mirë skuadrës rumune, Craiova, nga e cila kishte pësuar humbje vitin e kaluar në Pallatin e Rinisë.

Kësaj radhe, bardhekaltërit u treguan shumë më të vëmendshëm ndaj rumunëve dhe arritën të shënojnë fitore me rezultat të thellë 92-76.

Craiova vetëm në çerekun e parë ishte më e mirë se Prishtina, e kjo u tregua edhe në rezultat, pasi mysafirët e përfunduan dhjetë minutëshin e parë në epërsi prej tre pikëve, 22-25.

Mirëpo më pas djelmoshat e trajnerit Sabit Hadzic, të udhëhequr kryesisht nga Dardan Berisha, Aaron McGhee dhe Blerim Mazreku, arritën jo vetëm ta kthejnë rezultatin në të mirë të tyre, por edhe ta thellojnë epërsinë për ta siguruar një ‘finish’ të qetë të ndeshjes.

Berisha përsëri ishte koshashënuesi më i mirë me 27 pikë, kurse Mazreku dhe McGhee dhanë poashtu kontribut të rëndësishëm duke shënuar nga 22 pikë secili, sikurse edhe aloja serbe e Craiovës, Milivoje Bozovic.

Kjo ishte fitorja e tretë në po aq ndeshje e Sigal Prishtinës në Balkan League, kurse Craiova e cila ka një ndeshje më pak të zhvilluar se prishtinasit, ende mbetet pa e shijuar fitoren.

Rezultatet dhe tabela aktuale.

Statistikat ekipore:

	Sigal Prishtina	Craiova
Çereku i parë	22	25
Çereku i dytë	26	17
Çereku i tretë	20	21
Çereku i katërt	24	13
Kërcime	48	30
Asistime	25	21
Bllokada	1	2
Topa të vjedhur	2	7
Topa të humbur	13	7
Tentime për tre pikë	9/24	7/28
Tentime nga loja	35/72	29/72
Tentime nga gjuajtjet e lira	13/13	11/14

Statistikat individuale te Sigal Prishtina

1	Dardan Berisha	27 pikë	8 kërcime	7 asistime
2	Aaron McGhee	22 pikë	10 kërcime	3 asistime
3	Blerim Mazreku	22 pikë	9 kërcime	2 asistime
4	Edmond Azemi	12 pikë	7 asistime	6 kërcime
5	Jordan Hulls	5 pikë	7 kërcime	4 asistime
6	Edin Bavcic	4 pikë	4 kërcime

Statistikat individuale te Craiova

1	Milivoje Bozovic	22 pikë	7 kërcime	2 asistime
2	Nikola Vucurovic	18 pikë	8 kërcime	2 asistime
3	Travis Bureau	12 pikë	3 kërcime	2 asistime
4	Dragos-Mihai Andrei	10 pikë	3 kërcime	2 asistime
5	Nikola Otovic	7 pikë	9 asistime	1 kërcim
6	Szabolcz Santa	7 pikë	3 kërcime	2 asistime