FIBA WC - PREQUALIFIERS
Kastrati: Duhet të mundohemi të fitojmë çdo ndeshje
17 February, 2020 @17:37
Njëri ndër basketbollistët më të mirë të reprezentacionit të Kosovës dhe të paktit që luajnë jashtë vendit, Erjon Kastrati, është shprehur të jetë i nderuar me ftesën e marrë për të qenë përsëri pjesë e reprezentacionit të Kosovës.
Kastrati që luan te Kormendi në Hungari, që drejtohet nga ish-trajneri i Prishtinës, Matthias Zollner, ka thënë se ekipi do të synojë fitore në ndeshjet e radhës, derisa pret që intensitet i stërvitjeve të shtohet në ditët e radhës.
“Fillimisht dua të them se kam nderin dhe kënaqësinë që jam i ftuar në Kombëtaren e Kosovës. Stërvitja e parë ishte për tu njohur më shumë se si do të luajmë dhe në stërvitjet e ardhshme besoj se do të rritet intensisteti. Siç ka thënë trajneri duhet të mundohemi të fitojmë në çdo ndeshje. Do të japim më të mirën nga vetja jonë në këto ndeshje,” ka thënë Kastrati për faqen zyrtare të Federatës së Basketbollit sot.
Kosova bën pjesë në Grupin B parakualifikues të zonës evropiane për Botërorin 2023 të basketbollit. Në grup si kundërshtarë ka Islandën, Sllovakinë dhe Luksemburgun. Kosova do të duhet të përfundojë në njërën prej dy vendeve të para që të sigurojë fazën e ardhshme të kualifikimeve.
Më 20 shkurt Kosova pret Islandën në Prishtinë, ndërsa më 23 luan ndaj Luksemburgut si mysafir.