LOS ANGELES LAKERS
Kingu po kthehet!
29 January, 2019 @13:04
Një lajm shumë i mirë për Los Angeles Lakersin erdhi nga LeBron Jamesi.
Super ylli LeBron James, që nga data 25 dhjetor po i mungon Lakersave, derisa kingu doli në stërvitje me bashkëlojtarët e tij pas një kohe të gjatë.
Trajneri i Lakersave, Luke Walton, ka thënë se çdo ditë janë duke e kontrolluar super yllin e skuadrës, derisa data e rikthimit ende nuk është bërë e ditur.
34 vjeçari James, gjatë karrierës së tij 16 vjeçare, është duke e përjetuar lëndimin më të rëndë të tij. Ai në asnjë stinor nuk ka munguar më shumë se 13 ndeshje.
Los Angeles Lakers pa LeBronin doli në parket në 16 ndeshje, derisa prej tyre arriti t’i fitojë vetëm 6.
