Konfirmohet interesimi i Man Utd për trajnerin e Sportingut

Pas ndarjes së rrugëve me Erik ten Hagun, Manchester United është duke kërkuar në shpejtësi trajnerin e ri të ekipit. Derisa klubi ka thënë se Ruud Van Nistelrooy do të jetë trajner i përkohshëm derisa të vendoset për trajnerin e ri, në Portugali veçse është konfirmuar interisimi i “Djajve të kuq” për Ruben Amorimin.

Amorim 39 vjeç është aktualisht trajner i Sportingut të Lisbonës, ndërsa karriera e tij deri tash njeh vetëm ngritje. BBC Sport ka raportuar sot se vetë klubi i Sportingut ka konfirmuar interesimin e Manchester Unitedit për trajnerin e tyre, ndërsa janë pajtuar që anglezët të paguajnë 10 milionë eurot, sa kushton ndërprerja e parakohshme e kontratës së trajnerit me ekipin!

Ish lojtari i Benficës shikohet si trajner i madh në ardhje, pasi që pas suksesit me Bragën Sporting e mori menjëherë dhe me të fitoi dy tituj kampioni, përfshirë këtu të parën pas 19 vitesh!