ISLANDA MPOSHT SLLOVAKINË
Kosova, lidere e pastër e grupit. Islanda mposht Sllovakinë
23 February, 2020 @22:43
Në duelin e dy rivalëve të radhës të Kosovës në parakualifikime për Botërorin 2023, Islanda e Craig Pedersenit ka mposhtur Sllovakinë dhe tashmë përveç vendit tonë, të gjitha skuadrat kanë përjetuar humbjen në grup.
Islanda u tregua më e mirë sesa Sllovakia e drejtuar nga Zan Tabak sonte, veçanërisht në pjesë të parë, për t’i mposhtur me 9 pikë dallim në fund, 83-74 [17-14, 26-20, 20-20 dhe 20-20].
Tryggvi Hlinason ka qenë i jashtëzakonshëm në fitoren e sotme, duke kryer ndeshjen me 26 pikë e 17 kërcime, ndërsa kontribut madhor ka dhënë edhe Pavel Ermolinskij me 7 pikë, 10 kërcime e 11 asistime!
Më efikasi te mysafirët ishte Vladimir Brodziansky me 16 pikë të shënuara.
Me këtë ndeshje, mbyllet dritarja e parë e takimeve të grupeve para-kualifikuese dhe tabela aktuale duket si mëposhtë.
TABELA AKTUALE:
1. Kosova 2-0
2. Islanda 1-1
3. Sllovakia 1-1
4. Luksemburgu 0-2
Duelet e radhës luhen në muajin nëntor. Më 26 nëntor Kosova është mysafire e Sllovakisë, ndërsa më 29 nëntor mysafire e Islandës.