KOSOVA U-18
Kosova U18 pranë përzgjedhjes finale para Europianit
16 June, 2017 @9:08
Përfaqësuesja U18 e Kosovës te meshkujt, e drejtuar nga selektori Dritëro Sefaja dhe ndihmësi i tij Petrit Zeqiri, ka filluar qe një javë përgatitjet për Kampionat Europian në Divizionin C që do të mbahet në Nikozia të Qipros prej 4 deri më 9 korrik 2017.
Sefaja dhe Zeqiri aktualisht janë duke punuar me 18 basketbollistë, prej të cilëve 6 do të bien nga lista përfundimtare që do të udhëtojë në europian.
Shiko: LISTËN E TË FTUARVE U18
Kosova U18 është në Grupin B, ku ka rivalë si: San Marinon, Gjibraltarin, Molldavinë dhe Maltën.
Në europianin e kaluar, Kosova U18 përfundoi me medalje të bronztë nga europiani i Divizionit C.
