Kosova U21 pëson humbjen e parë në shtëpi

Vjen humbja e parë në shtëpi për Kosovën U21.

Djemtë e drejtuar nga Rafet Prekazi sot u mposhtën me rezultat 0-4 nga përfaqësuesja e Izraelit U21, në një duel i cili filloi shumë mirë për përfaqësuesën e Kosovës, deri në momentin e pranimit të golit të parë pas goditjes së këndit të mysafirëve.

Më pas, krejt në fund të pjesës së parë, Kosova nuk e krijoi siç duhet ‘grackën’ e offside-t, duke bërë që mysafirët, të ndihmuar edhe nga një dalje jo e menduar mirë e Visar Bekajt, ta gjenin edhe golin e dytë, për ta mbyllur kështu pjesën e parë me rezultat 0-2.

Në pjesën e dytë Izraeli U21 e gjeti edhe 2 herë golin dhe takimi u mbyll me rezultatin përfundimtar 0-4, rezultat ky që e zbret Kosovën në vendin e katërt në Grupin 5.

Pas 5 ndeshjeve në grup Kosova tashmë ka 2 fitore e 3 humbje, ndërsa ndeshjen e ardhshme e luan pas 5 ditëve (14 nëntor) si mysafire e Azerbejxhanit.

TABELA AKTUALE E GRUPIT 5