Kukësin e pret rival i vështirë në short

Liga e Kampionëve këtë stinor nuk pritet të sjellë një kundërshtar të lehtë për Kukësin. Kjo pasi që si skuadër me koeficient të vogël në UEFA që është Kukësi, ndodhet në vazon e jo-bartësve për fazën e dytë kualifikuese të Ligës së Kampionëve.

E këtu, në vazon e ekipeve bartëse janë ekipe si: Celtic, Red Bull Salzburg, Copenhagen, Ludogorets, BATE Borisov, etj. Numër i madh i skuadrave nga vazoja ku janë këto të përmendurat kanë qenë pjesë e Ligës së Kampionëve në vitet e kaluara dhe duke ditur cilësinë e tyre, Kukësit do t’i duhet shumë fat për të bërë diçka më shumë këtë verë.

Shorti për këtë fazë të Ligës së Kampionëve do të mbahet më 19 qershor, ndërsa ndeshjet do të zhvillohen më 11-12 korrik dhe 18-19 korrik.