Kupat te Sharrcem Prishtina dhe Kalaja

Sot janë zhvilluar tre finalet e Kupës së Kosovës në kategorinë e juniorëve, kadetëve dhe pionierëve, që u zhvilluan në Komunën e Obiliqit.

Në finalen e juniorëve, u takuan dy skuadra nga kryeqyteti, Sharrcem Prishtina dhe Kerasan Prishtina. Kjo ndeshje përfundoi me fitoren e Sharrcem Prishtinës me rezultat 98-84, derisa basketbollisti i kësaj skuadre, Mërgim Jakupi, i cili luan edhe për Sigal Prishtinën, është shpallur MVP i turneut.

Sharrcem Prishtina doli fitues edhe në kategorinë e kadetëve, duke e mposhtur skuadrën nga Prizreni, Kalaja, me rezultat të thellë 83-52, kurse Etnik Peci u shpall basketbollisti më i vlefshëm tek kadetët.

Megjithatë, skuadra nga Prizreni nuk u kthye pa trofe në shtëpi, pasi e fitoi kupën në kategorinë e pionierëve duke e mposhtur Kerasan Prishtinën me rezultat 78-45.

Kupa e Kosovës për kategoritë e grupmoshave të reja është sponzorisuar nga Banka TEB, derisa organizimi i Final Four-it është mundësuar nga skuadra AS Kastrioti nga Obliqi, që ka qenë nën mbikëqyrjen e Federatës së Basketbollit të Kosovës.

REZULTATET E FINALEVE