GOLDEN EAGLE YLLI
Lajmi i fundit: Ylli largon edhe një lojtar vendor
28 January, 2021 @15:06
Pas largimit të Frenki Lilajt ditë më parë, për të cilin kishte njoftuar TopSporti.com, nga skuadra e Golden Eagle Yllit është larguar edhe një basketbollist tjetër vendor.
Kësaj radhe ekipin nga Suhareka e la qendra Arbër Berisha, i cili është transferuar në Turqi te skuadra e kategorisë së dytë, Bornova Belediye.
Lajmin e transferimit të basketbollistit e kanë bërë publike mediat turke.
Berisha, i cili më parë ka qenë pjesë edhe e Pejës, këtë stinor te Ylli ka luajtur me mesatare prej 7.6 pikëve dhe 6.5 kërcimeve për ndeshje.