Lebron barazon serinë finale

Jashtëzakonisht i motivuar pas ndeshjes së parë, LeBron James, ka shënuar 35 pikë të hatashme dhe ka regjistruar 10 kërcime tjera në fitoren e parë të Miami Heatit në serinë finale të NBA-së. 

Miami Heat tashmë ka barazuar serinë ndaj San Antonio Spurs në 1-1, derisa fitorja 98-96 ka treguar që LeBron e ka kaluar problemin në këmbë nga ndeshja e parë - që çoi deri te humbja. 

Ndeshja në fakt ka qenë e barabartë gjatë gjithë kohës derisa të dyja skuadrat dilnin në epërsi varësisht prej mundësisë, e Tim Duncan ka arritur të barazojë rekordin e double-double’ve në Play-Off të Magic Johnsonit dhe tashmë me një tjetër në serinë finale do të arrij historinë. 

Tashmë kur seria bartet në Miami për 3 ndeshjet e ardhshme, Miami Heat mund të rishpallet kampion duke vazhduar serinë si vendas me fitore.