Lideri shkelë kampionin

Feronikeli është treguar i pamëshirshëm ndaj Dritës sot në përballjen që u zhvillua në Rexhep Rexhepi.

Ekipi i Zekirija Ramadanit ka nisur ndeshjen shpejt dhe me golin e Kastriot Rexhës në minutën e 33 të ndeshjes, ka shkuar qetë në pushim të pjesëve.

Në pjesë të dytë Drita ra tërësisht nga loja dhe Feornikeli shënoi pa ndalë. Ka qenë Jean Careoca Da Silva që shënoi për 2-0 (47’). 

Drita u këndell në minutat në vazhdim dhe duke mbajtur topin uli epërsinë kur Fillonit Shaqiri shënoi për 2-1 (63’).

TABELA AKTUALE

Por kjo ishte e tëra nga gjilanasit që janë kampion në fuqi dhe po i jetojnë ditët e fundit si kampion, pasi që shpejt do të kuptohet i riu.

Kastriot Rexha përsëri shënoi, kur qëlloi portën kundërshtare nga afërsia për 3-1 (74’), ndërsa Mendurim Hoti shënoi për 4-1 (84’) pas asistimit të Da Silvas për përfundimtaren e ndeshjes.

Dy xhiro para fundit Feronikeli ka 74 pikë, 2 më shumë sesa Prishtina ndjekëse. Përndryshe kjo është fitorja e gjashtë me radhë për Feronikelin që prej humbjes befasuese nga Ferizaji më 17 prill.

Xhiron që vjen, Feronikeli do të ketë punë të vështirë ndaj Llapit. Ndërsa Drita pret Flamurtarin.