VENDIMI I RI I BORDIT
Liga Unike do të luhet edhe në konkurrencën e femrave
12 July, 2021 @14:17
Prej stinorit në vazhdim, 2021/22, Liga Unike që u themelua në edicionin e kaluar dhe u mbajt në formë turneu për shkak të pandemisë, do të ketë edhe konkurrencën e femrave aty.
Përmes një njoftimi të lëshuar në rrjetet sociale, janë bërë të ditura vendimet e bordit të FBK-së. Aty ndër të tjera është thënë se nga stinori 2021/22 Liga Unike do të fillojë garën edhe në konkurrencë të femrave në kategori seniore, ndërsa pjesëmarrëse do të jenë 3 skuadra nga Shqipëria dhe po aq nga Kosova.
Sistemi do të jetë 10 xhiro të rregullta vajtje-ardhje dhe PlayOff.
“Në edicionin garues 2021/2022, Liga Unike do të fillojë garën edhe në konkurrencën e femrave në kategorinë seniore dhe do të përbëhet nga 3 skuadra nga Shqipëria dhe 3 skuadra nga Kosova të cilat do të luajnë në sistem të garave vajtje-ardhje me 10 xhiro të rregullta dhe play-off,” ka bërë të ditur njoftimi.
Pjesëmarrësit në këtë garë do të nominohen nga Federatat përkatëse.
Kurse edicioni i rregullt do të nis më 20-21 tetor 2021.
