LIRIA - DRITA
Liria i kthehet fitoreve
13 September, 2017 @18:24
Në takimin e zhvilluar sot në Prizren, Liria nuk ka pasur shumë probleme ndaj Dritës dhe e ka fituar takimin me rezultatin final 2-0.
Epërisa e prizrenasve erdhi që në minutën e 12’, me Qëndrim Gashin që shënoi për 1-0. Më pas, ishte Artur Magani ai që e dyfishoi epërsinë në minutën e 35’ të ndeshjes dhe skuadrat shkuan në pushim me këtë rezultat.
Pjesa e dytë ishte më e qetë dhe nuk dhuroi gola, përkundër rrezikimit të vetëm nga Xhevdet Shabani te mysafirët e dominimit të vendasve në anën tjetër, duke bërë kështu që ndeshja të mbyllet me fitoren e Lirisë me rezultat 2-0.
Kjo ishte fitorja e dytë sezonale për Lirinë, kurse për Dritën kjo ishte humbja e dytë sivjet, pas asaj që e pësoi nga Besa në xhiron e dytë.
