Roy Hodgson rikthehet në Premier Ligë

Edhe pse në muajin e kaluar i mbushi të 70-tat, trajneri i njohur dhe me përvojë të madhe, Roy Hodgson, nuk i ka thënë “jo” ofertës së Crystal Palace-it.

Ekipi që nuk ka shënuar asnjë gol pas katër xhirove të para në Premier Ligë dhe nuk ka fituar asnjë pikë ende, ka shkarkuar ditë më parë trajnerin holandez Frank de Boer, ndërsa mbrëmë ka emëruar në vend të tij Hodgsonin me përvojë.

Për Hodgsonin nuk nevojiten fjalë shumë, ndërsa së fundi ka drejtuar reprezentacionin e Anglisë në rrugë për EURO 2016.

Përndryshe, Hodgson ka qenë një kohë lojtar i Palace-it (1965/66), ndërsa gjatë emërimit të tij në këtë post ka thënë:

“E gjeta përsëri veten këtu. Pas shumë e shumë kohësh, më duket se u shpërbleva. Crystal Palace është ekip i Londrës jugore dhe ka shumë adhurues. Ambiciet janë reale dhe potencial për rritje ka. Do të punojë për të arritur qëllimet e ekipit. Jam shumë i lumtur që iu ktheva këtij klubi dhe futbollit në përgjithësi,” ka thënë Hodgson për cpfc.co.uk në deklaratën e parë të tij si trajenr i ri i ekipit.