GODITET MANCHESTER CITY!
De Bruyne do të mungojë katër muaj!
15 August, 2023 @19:09
Manchester City është goditur sot me lajmin se njëri ndër lojtarët më të mirë të skuadrës, Kevin De Bruyne do të duhet të qëndrojë katër muaj jashtë fushave.
BBC Sport ka bërë të ditur se Manchester City do të vendos shpejt nëse do të duhet të hyjë në operim mesfushori kreativ i ekipit. Belgu 32-vjeçar u lëndua në minutën e 32-të të ndeshjes hapëse të stinorit në Premier Ligë, ndaj Burnleyt në Turf Moor, të premten që shkoi.
De Bruyne ka qenë instrumental në triumfin e tripletës së Manchester Cityt gjatë stinorit 2022/23 kur ekipi fitoi Premier Ligën, FA Kupën dhe Ligën e Kampionëve.
