LLAPI - FERONIKELI
Llapi rrëzon Feronikelin në pozitën e 4
10 May, 2017 @17:57
Llapi tashmë në të dyja frontet po kërkon garat europiane. Pas arritjes së finales së Kupës, ekipi i Tahir Batatinës ka shënuar fitore të rëndësishme ndaj Feronikelit sot në Podujevë, për t’i rrëzuar këta të fundit në pozitën e katërt.
Me këtë, Llapi ka mbetur një pikë pas Prishtinës dhe do të luftojë deri në fund për pozitën e dytë, që në rast të humbjes në finale të Kupës, çon në Europë.
Golat për ekipin e Llapit i kanë shënuar Valon Zeqiri në fund të pjesës së parë dhe Mirlind Daku i shkëlqyeshëm, që në minutën e 80 të ndeshjes vulosi fatin e takimit.
Për Dakun, ky ka qenë goli i pestë pranveror në Superligë, ndërsa i gjashti në total për këtë, në stinorin aktual.
