Shkëndija ka trajnerin më të paguar në histori të Maqedonisë

Tekniku gjerman i Shkëndijës, Tomas Brdaric, që pritet të largohet në fund të stinorit nga ekipi tetovar, supozohet të jetë trajneri më i paguar në histori të futbollit të IRJ Maqedonisë.

Njoftimin e ka bërë të ditur portali maqedonas Sport, duke bërë të ditur se Brdaric ka marrë rrogë mujore prej 8 mijë eurove te Shkëndija.

Ndihmësi i Brdaricit, Armin Friedrich, është paguar 2 mijë euro nga ekipi tetovar.

Deri më sot, më të paguarit në futbollin maqedon kanë qenë Dragoljub Bekvalac dhe Radmilo Ivancevic, i pari te Rabotnicki i dyti te Makedonija GP, që kanë marrë nga 7 mijë euro për muaj.

Shkëndija synim këtë stinor ka pasur titullin kampion të IRJ Maqedonisë, por disa xhiro pa përfunduar stinori ka mbetur larg nga Vardari.

Shkëndija pritet që të emërojë ish-strategun e saj Qatip Osmani në krye të ekipit, për stinorin që vjen.