JUVENTUS-MONACO
Pas 2 vitesh, përsëri në finale
9 May, 2017 @22:29
Juventus ka arritur që të sigurojë finalen e dytë në Ligë të Kampionëve, në tre vitet e fundit. Me fitore në ndeshjen e parë ndaj Monacos si mysafir 0-2 dhe avancimin me 2 gola epërsi që në pjesë të parë të ndeshjes së zhvilluar sonte në Juventus Stadium, u pa qartë se bianconerët tashmë janë finalist.
Mario Mandzukic shënoi golin e parë sonte për Juventusin, ndërsa u asistua nga Dani Alves, që shënoi një minutë para fundit të pjesës së parë për 2-0.
E tëra që bëri Monaco ishte goli i nderit përmes Kylian Mbappes, në pjesë të dytë. Ky ka qenë goli i parë i pranuar i Juventusit pas 600 minutave lojë në gara europiane.
CHAMPIONS LEAGUE RRUGA DREJT FINALES
Juventus në finale do të pret fituesin e duelit Atletico Madrid - Real Madrid, ku Real ka epërsi 3-0 nga ndeshja e parë. Ndeshja e kthimit zhvillohet nesër.
All Goals & highlights HD - Juventus 2-1 Monaco… by lifefoot
Juventus në vitin 2015 kishte qenë në finale, por u mposht nga Barcelona, kundërshtar, që kësaj radhe e eliminoi në çerekfinale.
Ndërkaq, bianconerët nuk kanë fituar këtë trofe, që prej vitit 1996, kur mposhtën Ajaxin në finale.
