Hasani: Të gatshëm për Champions

Njëri ndër lojtarët më të dalluar të fazës ofanzive të Trepçës’89 në këtë stinor, Florent Hasani, pas fitores së sotme dhe shpalljes kampion me Trepçën’89 ka thënë se ekipi i tij është i gatshëm për Ligë të Kampionëve.

“Po ndihemi shumë mirë. Kemi merituar këtë titull, kemi punuar shumë. Mendoj që Trepça’89 është e gatshme për Champions. Do të punojmë ende, jam optimist që do të kalojmë ndonjë raund aty,” ka thënë ai për mikrofonin e Supersportit pas ndeshjes.

Florent Hasani është golashënuesi i dytë më i mirë i Superligës këtë stinor me 14 gola të shënuara deri sot. Ndërsa Trepça’89 ka fituar për herë të parë në histori të klubit titullin kampion.