Lojë nervash ne TD Garden, Celtics mposht kampionin

Të pranishmit në palestrën “TD Garden”, çerekun e fundit të ndeshjes e shikuan pothuajse pa i mbyllur sytë.

Dy skuadra potenciale që mund të përballen në finalen e Konferencës Lindore në Play Off, treguan një lojë të barabartë gjatë gjithë ndeshjes, por në fund skuadra vendase Boston Celtics, arriti ta mposht kampionin aktual të NBA-së Cleveland Cavaliersin me rezultat 103-99.

Ylli i “keltëve”, Isaiah Thomas, përsëri ishte dirigjenti i skuadrës, duke luajtur me 31 pikë e 5 asistime, derisa u ndihmua edhe nga Jae Crowder 17 dhe Al Horford, që për një pikë nuk arriti shifrat magjike tripe-double (9 pikë, 10 kërcime, 10 asistime).

Ndërsa në anën tjetër, super ylli LeBron James, luajti me triple-double (28 pikë, 13 kërcime e 10 asistime), por nuk mjaftoi për fitore.

TABELA AKTUALE

Boston e regjistroi fitoren e 39 të stinorit, derisa kjo ishte humbja e 18 e Clevelandit.