Lufta për kreun

Prizrenasit e fundosur në tabelë do të kërkojnë sot ndonjë fije shprese ndaj ekipit të përforcuar në afatin e dimrit, Besës. 

Liria ende pa terren të vetë, vazhdon të zhvillojë ndeshjet në Gjakovë e Suharekë, e sot është radha që të luhet në Gjakovë. 

Besa në anën tjetër pas eliminimit nga Kupa e Kosovës, që e kishte synim parësor, tashmë i ka kthyer sytë kah Superliga, ku asgjë nuk është e pamundur. 

Liria e cila gjatë këtyre 20-të xhirove ka shënuar dy fitore, pikërisht njërën e ka ndaj Besës dhe atë si mysafire, në fillim të stinorit, kur Besa ishte në gjendje të tanishme të Lirisë. 

Ndeshja tjetër tejet interesante dhe derbi i pretendentëve të kreut të tabelës zhvillohet në Mitrovicë, ku takohen Trepça me Dritën. 

Skuadra e Fidaim Haxhiut, Trepça, ka mundësi që të arrijë rivalin lokal, Trepçën 89, në vendin e dytë në rast të fitores. Ndërsa në anën tjetër, gjilanasit, të cilët kanë mposhtur si vendas Trepçën në stinorin vjeshtor, në rast të fitores mund të kalojnë në vendin e tretë. 

RAIFFEISEN SUPERLIGA/ XHIRO XX - SOT: