EUROPA LEAGUE FINAL
Manchester United kampion në Europa League
24 May, 2017 @22:43
Manchester United për herë të parë në historinë e tij e ka fituar titullin kampion të UEFA Europa League.
Djajtë e kuq e kanë ngritur trofeun e kampionit, pasi e mposhtën në finale skuadrën holandeze, Ajax.
Goli i parë erdhi në minutën 18’, kur mesfushori françez Paul Pogba me një goditje të fortë nga distanca që edhe u devijua nga mbrojtja, arriti ta mposht portierin Andre Onana.
Ndërsa rezultatin përfundimtar e përcaktoi Henrikh Mkhitaryan, i cili u gjend mirë para portës së Ajaxit, duke shënuar në minutën 48’.
Ky triumf përveç që ia shton një sirtar një trofe evropian Unitedit, ia siguron edhe plasmanin direkt në Champions League sezonin e ardhshëm, duke bërë kështu që Anglia të përfaqësohet me 5 skuadra në Champions sezonin që vjen.
