Para finales së Kupës

Ndeshja finale e Kupës së Kosovës, ndërmjet Llapit dhe Besës, do të zhvillohet më 31 maj (e mërkurë), në orën 16:30, në stadiumin “Riza Lushta” në Mitrovicë. Ndërkohë, të premten do të bëhet tërheqja e shortit se cila nga këto dy skuadra do të jetë në cilësinë e vendasit. Të rikujtojmë se fituesi i Kupës së Kosovës do të fitojë 20 mijë euro, ndërsa finalisti 10 mijë euro.

RRUGA DREJT FINALES

Llapi në rast se i gëzohet kupës do ta sigurojë edhe pjesëmarrjen në garat parakualifikuese për Europa League, derisa në rast të triumfit të Besës, dalja në parakualifikimet për Europa League do t’i mundësohet Prishtinës si nënkampione e Superligës, ngase Besa nuk e ka ndjekur deri në fund procesin e licencimit për garat evropiane.