Manchester United kishte refuzuar Pedro Neto

Manchester United nuk kishte pranuar ta blente sulmuesin Pedro Neto pas provave, kur ai ishte vetëm 15 vjeç.

Sulmuesi i Wolves, Pedro Neto, po kalon një sezonë mjaft të mirë me ujçërit, që ka bërë shumë top ekipe t’i kthejnë sytë nga ai. Por, sipas mediumit TalkSport, Neto është i njohur për Manchester United shumë kohë më parë.

Portugezi ishte në prova tek United, kur ishte pjesë e ekipit të Braga, por nuk e kishte përcjellur fati i portugezëve të tjerë, Djajtë nuk vendosën ta blejnë, kjo kishte ndodhur në vitin 2016 kur Neto ishte 15 vjeç.

Neto këtë edicion në Premier League ka shënuar 5 gola, duke dhënë 4 asistime për shokët e tij.