LIGA C: MAQEDONIA - ESTONIA
Maqedonia fiton përsëri, një fitore larg Ligës B të Kombeve
15 November, 2020 @16:55
Përfaqësuesja e Maqedonisë ka vazhduar me formë të mirë të ndeshjeve dhe pas sigurimit të biletës për EURO 2020 - historike kjo - ka arritur të mposht edhe Estoninë sot, për të qëndruar në vend të parë të Grupit 2 të Ligës së Kombeve.
Tashmë, skuadrës së drejtuar nga Igor Angelovski dhe ndihmësi i tij Djengis Redjepi, i duhet edhe fitore në përballjen e fundit të grupit për të siguruar Ligën B.
Për maqedonasit nga lojtarët shqiptarë kanë startuar Visar Musliu dhe Egzon Bejullai, ndërsa ekipi përkundër se avancoi u desht të shënojë edhe njëherë për fitore, pasi që mysafirët kishin barazuar, për përfundimtaren 2-1 [Trickovski 29, Stojanovski 68 - Sappinen 52].
