BASHKIMI
Marojevic dhe Dixon në Bashkim
3 September, 2014 @20:37
Skuadra e Bashkimit dita ditës po kompletohet. Ekipit prizrenas i janë bashkuar basketbollisti amerikan, Spencer Dixon dhe ai malazias, Dragomir Marojevic.
Amerikani Dixon luan në pozitën e organizatorit dhe vjen nga skuadra rumune, Dinamo Bukuresht, në të cilën ka pasur mesatare prej 18.2 pikëve, 3.8 kërcimeve dhe 1.9 asistimeve, ndërsa qendra 207 centimetërshe Marojevic së fundi ka qenë pjesë e ekipit Centar BP nga Mali i Zi, derisa më parë ka luajtur edhe për skuadra nga rajoni si Borac, Metalac, Ulcinj, Rilski dhe Balkan.
Marojevic në 10 ndeshje të zhvilluara me Centarin gjatë stinorit të fundit, ka realizuar 13.5 pikë, 7.6 kërcime dhe 1.3 asistime mesatarisht për ndeshje.
Marojevic ka arritur sot në Prizren dhe nesër pritet të dalë në stërvitjen e parë me portokallezinjtë, derisa Dixon së bashku me Hysenagollin do të arrijnë nesër në këtë qytet.
Video
Spencer Dixon
Dragomir Marojevic
