Me eliminimin e të gjithë anglezëve, Parisi siguroi finalen e Championsit!

Pas Liverpoolit dhe Aston Villës, Parisi i Luis Enriques eliminoi nga gara edhe Arsenalin anglez për të arritur finalen e Ligës së Kampionëve 2024/25, duke i mposhtur këta të fundit në të dyja ndeshjet, për rezultatin e përgjithshëm 3-1.

Kjo është hera e dytë në histori të Paris St Germain që arrihet finalja e Ligës së Kampionëve. Të parën, e kishin humbur në stinorin 2019/20 nga Bayerni, 1-0! Me 31 maj në Mynhen, do të kenë mundësinë për të marrë trofeun e parë të garës më të rëndësishme evropiane, Ligës së Kampionëve.

Sonte, Parisi dukshëm dominues, me Gigi Donnarummën në detyrë dhe të gatshëm për të mbrojtur disa raste të mysafirëve, fitoi ndeshjen 2-1 [Ruiz 27’, Hakimi 72’—Saka 76’]. Tre herë, reagimet e Donnarummës shpëtuan Parisin, ndërsa në anën tjetër ekipi parisien avancoi me gol të bukur të Fabian Ruizit, në pjesë të parë.

Në pjesë të dytë, David Raya mbrojti penalltinë e Vitinhës (69’), ndërsa pas kësaj Achraf Hakimi shtoi epërsinë në 2-0! Për Arsenalin nuk mbeti shumë shpresë, edhe pse Bukayo Saka uli epërsinë e vendasve. 

Finalja e madhe e Ligës së Kampionëve luhet më 31 maj në Mynhen të Gjermanisë, në stadiumin “Allianz Arena”. Aty Paris St Germain do të ketë epitetin e vendasit ndaj Interit në përballjen vendimtare - ku njëra skuadër do ta fitojë trofeun e madh evropian.