Mposht ish ekipin

Miami Heat edhe njëherë ka treguar forcën dhe formën konstante që e ka arritur duke mos iu shmangur fitoreve. Ata sonte arritën fitoren e 11-të me radhë duke e mposhtur Cleveland Cavaliersin 109-105. 

Ka qenë ylli i Miamit, Lebron James, që ka shkëlqyer ndaj ish ekipit të tij, Cavs, me 28 pikë dhe 8 asistime në ndeshje derisa Dwyane Wade, ka shënuar 24 pikë (prej të cilave 15 në çerekun e fundit), 5 kërcime dhe 6 asistime, për t’ia sjellur fitoren e radhës kampionit. 

Te kundërshtari i Miamit, Cleveland, ka qenë organizatori i cili morri pjesë edhe në All Star, Kyrie Irving, ai që u dallua duke shënuar 17 pikë dhe 5 asistime. Derisa rookie, Dion Waiters ka shënuar më së shumti pikë për ekipin e tij, 26. 

Miami Heat gjendet në pozitën e parë të Konferencës Lindore me bilanc prej 40 fitoreve dhe 14 humbjeve, derisa Cleveland Cavaliers është larg play-offit me 18 fitore dhe 38 disfata deri më tani.

NBA/ REZULTATET/ SOT: