NBA Drafti vjen me befasi

Ashtu siç u raportua më herët, në mëngjesin mes 23 dhe 24 qershorit u mbajt ceremonia e “NBA DRAFT 2016”, ceremoni në të cilën skuadrat do të zgjedhnin lojtarët nga kolegjet për t’u bërë pjesë e ligës më të famshme të basketbollit në botë.

Zgjedhja e parë i takoi Philadelphias, të cilët ashtu siç pritej e zgjodhën të riun Ben Simmons, i cili shihet një nga lojtarët me perspektivën më të madhe në SHBA. Më pas, Lakers zgjodhën lojtarin Brandon Ingram, po ashtu një lojtar shumë premtues.

Befasi në zgjedhje pati tek skuadra e Boston Celtics, të cilët edhe pse patën mundësi të zgjedhnin lojtarë të vlerësuar shumë si Kriss Dunn apo Dragan Bender, ata zgjodhën të riun Jaylen Brown, i cili nuk u prit aspak mirë nga fansat në Massachusetts, të cilët kishin pritshmëri të larta për Draft-in e këtij viti.

Nga lojtarët tjerë premtues, kroati Dragan Bender shkoi tek Phoenix Suns, Kris Dunn u bë pjesë e Minnesota ndërsa Buddy Hield kaloi tek ‘Pelikanët’ e New Orleansit.

20 zgjedhjet e para të Draftit janë paraqitur në 2 fotot e mëposhtme: