CELTICS vs LAKERS
Isaiah Thomas duke depërtuar/ Foto: nba.com
Ndeshja historike i takoi Bostonit
4 February, 2017 @9:47
Dy skuadrat më të suksesshme në NBA, Los Angeles Lakers dhe Boston Celtics, dje u përballën në “TD Garden”.
Para ndeshjes, që të dyja skuadrat gjatë historisë së tyre sa i përket stinorit të rregullt, i kishin të regjistruara nga 3252 fitore.
Ndërsa një hap më përpara doli Boston Celtics, duke e mposhtur kundërshtarin me rezultat 113-107.
“Keltët” pjesën e parë e përfunduan me 11 pikë epërsi, derisa loja shumë e mirë në çerekun e fundit të Thomasit ia solli fitoren skuadrës së tij.
Isaiah Thomas shkëlqeu me 38 pikë, prej të cilave 17 i shënoi vetëm në çerekun e katërt, ndërsa te Lakers u dallua Lou Williams me 21 pikë.
Kjo ishte fitorja e 6-të me radhë për Bostonin dhe e 32-ta në total, derisa momentalisht janë pozicionuar në pozitën e dytë në Konferencën Lindore.
