KUPA E KOSOVËS
Nesër dalin në shitje biletat për Final 8 të Kupës
9 February, 2020 @22:11
KB Rahoveci, që është organizator i Final 8 të Kupës së Kosovës, për herë të dytë radhazi para pak çastesh ka publikuar njoftimin lidhur me biletat për ndeshjet që do të zhvillohen në Mizahir Isma në kuadër të garës.
Shiko DUELET dhe ORARIN e KUPËS
Vreshtarët kanë bërë të ditur se biletat dalin në shitje nesër (10 shkurt 2020) prej orës 9:30 në dyqanin zyrtar të klubit. Ndërsa biletat kanë çmimin prej 2 eurove (për tre ndeshjet e ditës; në tribuna) dhe 5 euro do të jenë ato VIP (për tre ndeshjet e ditës; në parket).
Ndërsa detajet tjera më rëndësi të cekura nga klubi janë si mëposhtë:
1. Bileta vlen për një ditë, për të trija ndeshjet.
2. Bileta ka tre kupona për tre ndeshje.
3. Çmimi i biletave për tribuna për ditën e parë dhe të dytë do të jetë dy euro.
4. Me të hyrë në palestër, secilit do t’i vendoset një vulë në dorë, për të mundësuar hyrje-daljet.
5. Bileta duhet të ruhet për të gjitha ndeshjet.
-
1. Bileta VIP vlen për një ditë, për të trija ndeshjet.
2. Bileta VIP do të ketë ngjyra të ndryshme për secilën ditë.
3. Çmimi i biletës VIP është pesë euro.
4. Bileta VIP vlen për parket, ka numër dhe rresht të ulëses të shënuar.
5. Vula në dorë, vlen edhe për biletat VIP, për shkak të çasjes më të lehtë në hyrje-dalje.
6. VIP bileta duhet të ruhet, në të kundërtën nuk ju lejohet hyrja.
Shiko DUELET dhe ORARIN e KUPËS