Ndeshja dramatike i takoi Vushtrrisë

Ndeshja më interesante e xhiros së katërt në Ligën e Parë u zhvillua në mes të AS Prishtinës dhe Vushtrrisë.

AS Prishtina çerekun e parë e dominoi duke shënuar 25 pikë dhe pësuar vetëm 8 pikë, kurse Vushtrria u këndell në çerekun e dytë dhe të tretë.

Në çerekun e dytë Vushtrria e mbylli me 5 pikë epërsi, kurse në çerekun e tretë duke shënuar 13 pikë më shumë se kundërshtari kaloi një pikë epërsi.

10 minutëshi i fundit i ndeshjes ishte një dramë e vërtetë.

AS Prishtina e kishte rastin disa herë për ta fituar ndeshje me Don Polloshkën, e në fund me Rron Kurtin, por dështuan dhe ndeshja i takoi Vushtrrisë me rezultat 88-89.

Erhan Sholla ishte koshashënuesi më i mirë me 24 pikë, por më i dalluari te Vushtrria ishte Engjëll Rama me 19 pikë, 8 kërcime e 6 asistime.

Te AS Prishtina u veçuan Dion Haxhosaj me 36 pikë e 20 kërcime dhe Don Polloshka me 27 pikë e 16 asistime.

TABELA AKTUALE

Vushtrria ka bilanc prej 3 fitoreve e 1 humbje dhe gjendet në pozitën e tretë, kurse AS Prishtina me 1 fitore e 3 humbje gjendet në pozitën e shtatë.

Në xhiron tjetër Vushtrria e pret Feronikelin, derisa AS Prishtina takohet me Istogun që është pa humbje.