PRISHTINA 0-1 DRENICA
Një mundësi, një gol - tri pikë jetike për Drenicën në Prishtinë
12 November, 2022 @14:59
Dominim i plotë i Prishtinës përgjatë gjithë ndeshjes me disa raste, por pa mundësi të mirë konkretizimi, ndërsa Drenica momentin e vetëm që e kishte e shfrytëzoi për të shënuar dhe për të fituar duelin.
Ka qenë Ermal Veliqi që shfrytëzoi rastin para portës së Ardit Nikës, për t’ia sjellë fitoren Drenicës, Prishtina 0-1 Drenica [Ermal Veliqi 2].
Futbollistët e Bekim Shotanit kanë shënuar fitoren e parë në kampionat pas pesë ndeshjeve, ndërsa Prishtina vazhdon krizën e fitoreve në Fadil Vokrri këtë stinor.
As pesë zëvendësimet e Ismet Munishit në pjesë të dytë nuk kryen punë, ndërsa Drenica festoi fitoren që i nxorri nga zona e rrezikshme, së paku për këtë xhiro.
