SUNS-LAL
Lakers, nuk këndellet
30 October, 2014 @15:22
Skuadra e Los Angeles Lakers, nuk ia nisi stinorit mirë.
Sikurse vitin e kaluar, kriza në skuadër, siç po shihet po vazhdon ende.
Pas humbjes nga Houston Rockets, djelmoshat e trajnerit Bryon Scott, pësuan humbjen e dytë të stinorit ndaj Phoenix Suns, me rezultat 119-99.
I ardhuri nga Sacramento Kings, Isaiah Thomas, ishte më i miri tek Suns, i cili luajti me 23 pikë.
Në anën tjetër, te ekipi i Lakersit, super ylli Kobe Bryant, është duke dhënë sinjale se ende mund t’i ndihmojë skuadrës, por kësaj radhe nuk mjaftuan as 31 pikët e tij në ndeshje.
Lakers gjithashtu mbeti pa e shfrytëzuar lojtarin rookie, Julius Randle, i cili u lëndua në ndeshjen e parë me Houstonin.
Randle e përmbylli stinorin për shkak të lëndimit.