MIAMI vs HOUSTON
James Harden duke dribluar/ Foto:nba.com
40 pikët e Hardenit s’mjaftuan
18 January, 2017 @8:48
Super ylli i Houston Rocketsit, James Harden, bëri çdo gjë për fitore, por kjo nuk mjaftoi kundër Miami Heatit. Heat fitoi kundërshtarin me rezultat 109-103.
Ndeshja ishte e barabartë deri në çerekun e katërt, por Miami përmes Goran Dragicit, i cili luajti me 21 pikë, 8 kërcime e 8 asistime, u shkëput për ta regjistruar fitoren.
Në anën tjetër, James Harden luajti me shifrat magjike triple-double (40 pikë, 12 kërcime e 10 asistime), por nuk mjaftuan për skuadrën e tij.
Houston gjendet në pozitën e tretë në Konferencën Perëndimore me 32 fitore e 12 humbje deri më tani.
