Odegaard i lumtur te Arsenali

Martin Odegaard shënoi golin e tij të parë në fanellën e Arsenalit kundër Olympiacos.

“Unë jam ndjerë si në shtëpi që nga dita e parë dhe ndihem shumë mirë,” tha ai në ‘BT Sport’.

Për Martinin ishte një ndeshje e shkëlqyer e ekipit të Artetas.
“Ishte një fitore e shkëlqyer për ne, një rezultat i shkëlqyeshëm me tre gola jashtë shtëpisë dhe fitorja në këtë kompeticion është gjithmonë e mirë”.

Norvegjezi e cilëson Arsenalin si një ekip ku e mbështesin njëri-tjetrin.

“Mentaliteti në këtë skuadër është i shkëlqyeshëm. Shumë i lumtur me gjithçka. Ne tregojmë shpirtin në ekip dhe mënyrën se si mbështesim njëri-tjetrin. Nëse një lojtar bën një gabim, ne reagojmë. Kjo është ajo për të cilën bëhet fjalë, duke qenë një ekip.”