Besiktasi fiton edhe kampionin, vazhdon kryesimin

Besiktasi ka arritur një fitore të rëndësishme kundër kampionit aktual Basaksehir.

Në derbin e Stambollit, Besiktasi e mposhti kundërshtarin me rezultat 2-3.

Cyle Larin shënoi golin e parë në ndeshje në minutën e 42’ e më pas në pjesën e dytë Deniz Turuc e barazoi rezultatin në 1-1 (52’).

Welinton shënoi golin e dytë e Besiktasit, pas një harkimi të Rachid Ghezzal, kurse Basaksehiri e barazoi përsëri rezultatin përmes Demba Ba (76’).

E goli i fitores erdhi nga Josef de Souza në minutën e 84’, derisa në minutat e mbetura Basaksehiri nuk arriti ta barazojë për herë të tretë rezultatin.

Kjo ishte fitorja e gjashtë rresht e Besiktasit në Suprligën Turke dhe me 63 pikë gjendet në pozitën e parë me 5 pikë më shumë se sa Galatasarayi e Fenerbahçe.