OKLAHOMA
Oklahoma në finale të Perëndimit
16 May, 2014 @11:56
Oklahoma nuk ia nisi ndeshjes mirë, derisa Clippers e zgjeronte epërsinë, ku dhe ia nisën të mendojnë se do të barazojnë serinë, për të mbajtur gjallë shpresat për në finale të Konferencës Perëndimore.
Por, skuadra e trajnerit Doc Rivers, kishte harruar se tek Oklahoma ekziston, një super yll si Kevin Duranti. Performanca e tij fenomenale, ia solli fitoren e katërt “rrufesë” me rezultat 104-98.
Durantulla shkëlqeu me 39 pikë, 16 kërcime e 5 asistime, ku pothuajse luajti vetëm në parket, derisa mori një kontribut 19 pikësh nga Westbrooku.
Ndërsa në anën tjetër, Chris Paul luajti me 25 pikë, por nuk mjaftuan për ta vazhduar serinë.
Oklahoma City Thunder, në finale të Konferencës Perëndimore, do të përballet me San Antonio Spursin.
Video
Kevin Durant
