Pa nënçmim, drejt fitores

Basketbollisti i Pejës, Rron Grapci, para ndeshjes së sontme ndaj Levski 2014 në “Karagaç” ka thënë që kundërshtari në asnjë mënyrë nuk bën të nënçmohet. 

Peja ka mposhtur Levskin dy herë në fazën e parë grupore të ligës ballkanike dhe këtë e kërkon përsëri sonte. 

“Jemi përgatitur maksimalisht për këtë ndeshjes pasi që ka rëndësi të madhe për ne kjo lojë,” ka thënë Grapci për Zërin sot. 

“Në këtë ndeshje nuk duhet të nënçmojmë assesi kundërshtarin dhe duhet të hymë me këmbë në tokë. Besoj që do t’ia nisim me fitore,” ka shtuar ndër të tjera ai. 

Peja dhe Levski 2014 pas kualifikimit nga Grupi B janë futur në Grupin D, ku përveç këtyre dy skuadrave janë edhe Sigal Prishtina e Kozuvi, që luajnë ndeshjen tjetër të grupit, nesër.