BARCELONA - BASKONIA
Pak minuta për Doellman, Barcelona mposhtet
27 January, 2017 @21:06
Me rezultat 79-93 është mbyllur derbi spanjoll mes Barcelonës dhe Baskonias në Euroleague.
Skuadra mysafire ishte skuadër më e mirë që nga fillimi dhe në fund e mbylli ndeshjen me fitore, e cila ishte e 12-ta pas 20 ndeshjeve të zhvilluara sivjet.
Në anën tjetër, Barcelona e pësoi humbjen e 12, duke vazhduar kështu zvogëlimin e gjasave për arritjen e fazës play-off.
Për 11 minuta në këtë takim u paraqit Justin Doellman, lojtari i natyralizuar i përfaqësueses së Kosovës. Doellman takimin e mbylli me 10 pikë (6 prej tyre erdhën nga 2 trepikëshat), 1 kërcim e 1 asistim.
Pas 20 ndeshjeve, Baskonia ka bilanc 12-8, kurse Barcelona 8-12.
