TALENTI
Peci në pesëshen më të mirë
15 July, 2016 @20:46
Organizatori i përfaqësueses U18 të Kosovës në basketboll, Etnik Peci, ka marrë një çmim të rëndësishëm në Kampionatin U18 Europian të Divizionit C, që u organizua në San Marino.
Falë paraqitjeve të mira, Peci është përfshirë në pesëshen më të mirë të kampionatit.
Peci në këtë kampionat ka luajtur me mesatare prej 16.8 pikëve, 5.8 kërcimeve dhe 3.2 asistimeve për ndeshje, duke qenë më i dalluari në radhët e ekipit kosovar.
Përfaqësuesja U18 e Kosovës këtë kampionat e përfundoi me medalje të bronztë.
Të kujtojmë se Peci e kishte fituar edhe çmimin MVP vitin e kaluar në Kampionatin Europian U16 të Divizionit C.
