DREJT FITORES SË RADHËS
Peja hap xhiron e XVII
29 January, 2016 @10:41
Kerasan Prishtina vazhdon të jetë skuadra e vetme pa fitore në Superligë këtë stinor dhe këtë nuk do të ketë gjasa ta arrijë as sonte ndaj Pejës në “Karagaçin” e nxehtë dhe të pamposhtur këtë stinor.
Peja duhet të parakalojë shpejt kundërshtarin e radhës për tu përgatitur për ndeshjen e së martës në BIBL, ndërsa Kerasani pritet të jetë një stërvitje pak më serioze se ato të përditshmet për ekipin e Branimir Pavicit.
Peja ka bilanc 14-0, ndërsa Kerasani 0-14 në XVII xhirot e para të Superligë.
Ndeshja zhvillohet sot me fillim nga ora 17, ndërsa referohet nga Faton Kurshumlija, Ngadhënjim Shabani e Blendi Fejza.
Ndeshjet tjera të xhiros, Vëllaznimi - Sigal Prishtina dhe Trepça - G. E. Ylli zhvillohen të shtunën dhe të dielën përkatësisht.
