Peja ka lojtarë për fitore

Peja është përgatitur maksimalisht për ndeshje ndaj Sigal Prishtinës në kuadër të Balkan League sot. Ndërsa trajneri i tyre Daniel Lutz është shprehur për media se përkundër mungesave verdhezinjtë gjithmonë luajnë për fitore. 

“Kemi mungesa të theksuara me largimin e dyshes Ahmedbasic-Morovic, mirëpo, Peja ka basketbollistë që mund t’i zëvendësojnë ata dhe në çdo ndeshje luajmë për fitore, posaçërisht në Balkan League,” ka thënë ai për të përditshmen Sport sot. 

Lutz ka humbur dy duelet me Sigal Prishtinën në kuadër të garave vendore, ndërsa sonte do të luhet ndeshja e parë ndërmjet dy ekipeve kosovare në arenën ndërkombëtare. 

Peja ende nuk ka shijuar fitore në kuadër të Balkan League.